Прыём у Дзіцячую музычную школу мастацтваў №1 г.Мінска ажыццяўляецца па выніках праверкі здольнасцяў у рамках кантрольных лічбаў прыёму для атрымання дадатковай адукацыі дзяцей і моладзі за кошт сродкаў бюджэту горада Мінска, штогод вызначаемых заснавальнікам – упраўленнем культуры Мінскага гарадскога выканаўчага камітэта.
Тэрміны прыёму ў дзіцячую школу мастацтваў: з мая па жнівень.
Прыёмная камісія
Для арганізацыі прыёму навучэнцаў у школу, правядзення праверкі здольнасцяў і фарміравання па іх выніках кантынгенту навучэнцаў ствараецца прыёмная камісія , якую ўзначальвае дырэктар школы. У склад прыёмнай камісіі ўваходзяць намеснікі дырэктара па асноўнай дзейнасці, загадчыкі аддзяленнямі школы, адказны сакратар.
Прыёмная камісія забяспечвае: прыём дакументаў, iх афармленне i захоўванне; падрыхтоўку графіка правядзення праверкі здольнасцяў; арганізацыю кансультацый; правядзенне праверкі здольнасцяў; аналіз і абагульненне вынікаў прыёму дакументаў, правядзення праверкі здольнасцяў; падрыхтоўку прапаноў па ўдасканаленні арганізацыі правядзення праверкі здольнасцяў; выкананне iншых функцый у рамках сваёй кампетэнцыі.
Праверка здольнасцяў
Праверка здольнасцяў праводзіцца на падставе пададзенай заяўкі, якая афармляецца на адмысловай старонцы.
Пасля апрацоўкі заяўкі на праслухоўванне, прадстаўнікі прыёмнай камісіі ўзгадняюць з законным прадстаўніком час праверкі здольнасцяў у адпаведнасці з зацверджаным графікам.
Праверка здольнасцяў пры прыёме ў нашу школу праводзіцца ў адпаведнасці з крытэрыямі ацэнкі ўзроўню развіцця здольнасцяў і ўключае ў сябе:
- выкананне 2-3 куплетаў загадзя падрыхтаванай дзіцячай песні, адпаведнай ўзросту і магчымасцям дзіцяці.
- выкананне некалькіх нескладаных заданняў, тэстуючых слыхавыя дадзеныя, пачуццё рытму, памяць і маторыку прэтэндэнта на навучанне ў музычнай школе.
З прыкладам, як праходзіць праверка здольнасцяў можна азнаёміцца па спасылке.
Залічэнне ў школу
Прыём у школу дзіцяці, які паспяхова прайшоў праверку здольнасцяў, ажыццяўляецца на падставе заявы яго законнага прадстаўніка пры прад’яўленні пасведчання аб нараджэнні (дзіцяці) і дакумента, які сведчыць асобу (законнага прадстаўніка). Дадаткова падаецца ксеракопія пасведчання аб нараджэнні, медыцынская даведка аб адсутнасці хранічных захворванняў і іншых супрацьпаказанняў да навучання ў музычнай школе.
Прыём асоб у дзіцячую школу мастацтваў ажыццяўляецца на падставе рашэння прыёмнай камісіі і афармляецца загадамі дырэктара школы, якія даводзяцца да ведама шляхам размяшчэння на сайце https://dms1.by і на інфармацыйным стэндзе ў вестыбюлі школы не пазней за 10 чэрвеня (асноўны набор) і 1 га верасня (дадатковы набор).
Дадатковую інфармацыю можна ўдакладніць у прадстаўнікоў адміністрацыі школы.