2 кастрычніка 2022 гады на базе Дзіцячай музычнай школы мастацтваў №1 імя Л.П. Александроўскай адбылася Міжнародная асветніцкая акцыя «Усеагульная музычная дыктоўка-2022».
Гэты праект рэалізуецца з 2018 года. У 2022 годзе акцыя прайшла на 267 пляцоўках у 4 краінах. Галоўнай пляцоўкай акцыі ў пяты раз з’явілася Расійская акадэмія музыкі імя Гнесіных, з якой праходзіла анлайн-трансляцыя 16 узроўняў музычных дыктовак (11 узроўняў асноўнага і 5 узроўняў джазавага кірунку).
Аўтар і кіраўнік праекта «Усеагульная музычная дыктоўка» – Аляксандр Алейнікаў – кампазітар кіна- і акадэмічнай музыкі, метадыст і выкладчык, выпускнік Расійскай акадэміі музыкі імя Гнесіных і Маскоўскай школы кіно.
У гэтым годзе ўдзел у міжнароднай акцыі на нашай пляцоўцы прынялі вучні і настаўнікі дзіцячых музычных школ мастацтваў, навучэнцы і выкладчыкі музычна-тэарэтычных дысцыплін МДМК імя М.І. Глінкі, навучэнцы Рэспубліканскай гімназіі-каледжа пры БДАМ, МДКМ, у цэлым – 150 чалавек – прафесійныя музыканты, вучні і аматары музыкі рознага ўзросту (ад 7 да 77 гадоў). Некаторыя ўдзельнікі напісалі дыктоўкі некалькіх узроўняў, такім чынам, было прадстаўлена для праверкі 211 работ. Дзеці і дарослыя паспрабавалі свае сілы, праверылі слыхавыя навыкі, на некалькі гадзін пагрузіўшыся ў незабыўную атмасферу свята ўсеагульнай музычнай пісьменнасці!
