16 – 21 сакавіка 2018 года адбыўся IV Міжнародны фестываль-конкурс «Новыя вяршыні»-2018. У конкурснай праграме прымалі ўдзел як дзеці, так і дарослыя, выступленні якіх ацэньвала высокакваліфікаванае журы ў галіне эстрады і культуры, прадстаўнікі міжнародных дэлегацый.
18 сакавіка конкурс прайшоў у намінацыі Інструментальнае выканальніцтва (сола) у Мінскім дзяржаўным музычным каледжы імя М.І. Глінкі. Старшыня журы – дырыжор Прэзідэнцкага аркестра Рэспублікі Беларусь Віталій Рыгоравіч Кульбакоў.
Анатоль Лыскавец (настаўнік Віктар Міхайлавіч Лыскавец, канцэртмайстар Яўген Ігаравіч Гальцоў) выступіў у намінацыі інструментальнае выканальніцтва (сола, цымбалы) з рускім народным танцам «Барыня» (апрацоўка Віктара Лыскаўца). Па рашэнню журы Анатоль стаў уладальнікам Дыплома Лаўрэата I ступені!
Віншуем Анатоля і Віктара Міхайлавіча з гэтай адметнай перамогай! Зычым новых творчых ідэй і новых перамог!