З 15 красавіка па 5 мая 2021 года ў Наваполацку прайшоў VI Міжнародны конкурс юных піяністаў «Музычная лілея».
Заснавальнікі і арганізатары конкурсу:
▪ Наваполацкі гарадскі выканаўчы камітэт;
▪ Аддзел ідэалагічнай работы, культуры і па справах моладзі Наваполацкага гарадскога выканаўчага камітэта;
▪ Дзяржаўная ўстанова адукацыі «Дзіцячая школа мастацтваў № 1 г. Наваполацка».
Журы:
Юрый Мікалаевіч Гільдзюк – Заслужаны артыст Рэспублікі Беларусь, прафесар кафедры спецыяльнага фартэпіяна Беларускай дзяржаўнай акадэміі музыкі, мастацкі кіраўнік Беларускай дзяржаўнай філармоніі;
Яўгенія Аляксандраўна Гарбунова – выкладчык Рэспубліканскай гімназіі-каледжа пры Беларускай дзяржаўнай акадэміі музыкі;
Арніс Зандманіс – прафесар Латвійскай акадэміі музыкі імя Язэпа Вітала.
У сувязі з эпідэміялагічным становішчам конкурс праводзіўся дыстанцыйна, па відэазапісах.
Чэнь Хуайлэ, навучэнка 2 класа фартэпіяннага аддзялення, у першай узроставай групе (да 9 гадоў) стала Лаўрэатам I ступені. Настаўнік Ірына Валянцінаўна Бяганская.
Іван Багдановіч, навучэнец 3 класа фартэпіяннага аддзялення, у першай узроставай групе (да 9 гадоў) стаў Лаўрэатам II ступені. Настаўнік Галіна Міхайлаўна Косціна.
Аляксей Яршоў, навучэнец 4 класа фартэпіяннага аддзялення, у другой групе (10-11 гадоў) стаў Лаўрэатам II ступені. Настаўнік Святлана Аляксандраўна Разько.
Ганна Томіна, навучэнка 7 класа фартэпіяннага аддзялення ў трэцяй узроставай групе (12-13 гадоў) стала Лаўрэатам I ступені. Настаўнік Ірына Валянцінаўна Бяганская.
Паліна Новікава, навучэнка 6 класа фартэпіяннага аддзялення, у чацвёртай узроставай групе (14-15 гадоў) стала Лаўрэатам III ступені. Настаўнік Алена Юр’еўна Логінава.
Віншуем нашых вучняў і іх настаўнікаў з перамогай на конкурсе і зычым ім новых творчых поспехаў!
Відэа – https://muzshkola.jimdofree.com/музычная-лiлея-2021/итоги-конкурса/