4-9 студзеня 2022 года ў Маскве ў рамках творчага праекта Маскоўскай сярэдняй спецыяльнай музычнай школы (каледжа) імя Гнесіных «Gnessin Competition for Young Musicians» прайшоў IV Міжнародны конкурс-фестываль маладых выканаўцаў на духавых і ўдарных інструментах імя Гнесіных. Яго мэты – захаванне і развіццё лепшых традыцый выканальніцкага мастацтва на духавых і ўдарных інструментах.
У творчым спаборніцтве, якое праходзіць адзін раз у два гады, прынялі ўдзел юныя выканаўцы з дзіцячых музычных школ, дзіцячых школ мастацтваў, сярэдніх спецыяльных музычных школ і музычных каледжаў. Удзельнікі конкурсу-фестывалю змаглі наведаць майстар-класы і канцэрты вядомых музыкаў, а таксама ўдасканаліць навыкі сумеснага музіцыравання ў духавым аркестры.
Журы конкурсу было прадстаўлена вядомымі канцэртуючымі выканаўцамі, педагогамі прэстыжных музычных навучальных устаноў:
Фолькмар Кюнле дырэктар кампаніі Baffet Crampon Wind Instruments;
Вольга Тамілава Заслужаная артыстка РФ, дацэнт МДК імя П.І. Чайкоўскага, дацэнт РАМ імя Гнесіных, выкладчык па класе габоя МССМШ імя Гнесіных;
Дзяніс Освер саліст аркестра «Новая Расія» п/к Ю. Башмета, выкладчык па класе габоя МССМШ імя Гнесіных;
Уладзімір Пермякоў Народны артыст Расіі, прафесар кафедры драўляных духавых інструментаў РАМ імя Гнесіных;
Аляксандр Пасікера саліст аркестра Маскоўскага музычнага тэатра імя К. Станістаўскага і У. Неміровіча-Данчанкі, загадчык аддзела ансамбля духавых і ўдарных інструментаў МССМШ імя Гнесіных;
Леанід Друцін Лаўрэат міжнародных і ўсерасійскіх конкурсаў, выкладчык і загадчык аддзела «Духавыя і ўдарныя інструменты» ДМК імя Гнесіных;
Андрэй Кузняцоў Заслужаны артыст РФ, выкладчык па класе валторны МССМШ імя Гнесіных;
Станіслаў Давыдаў Заслужаны артыст РФ, выкладчык па класе валторны МССМШ імя Гнесіных;
Кірыл Салдатаў выкладчык па класе трубы МССМШ імя Гнесіных, саліст Нацыянальнага філарманічнага аркестра Расіі, артыст групы кампаній «Buffet Group wind instruments» у Расіі;
Аляксандр Нянькін выкладчык па класе трамбона і тубы МССМШ імя Гнесіных, дацэнт МДК імя П.І. Чайкоўскага;
Ілля Бачурын загадчык аддзела ўдарных інструментаў МССМШ імя Гнесіных, выкладчык па класе ўдарных інструментаў, Лаўрэат Прэміі Ўрада Масквы 2014 года, пераможца конкурсу «Лепшы выкладчык дзіцячай школы мастацтваў – 2018»;
Міхаіл Путкоў выкладчык па класе ўдарных інструментаў МССМШ імя Гнесіных, лаўрэат міжнародных і ўсерасійскіх конкурсаў, артыст ДАСА імя Я. Святланава, эндорсер Marimba One company, Agner Swiss Drumsticks, Arborea Cymbals, саліст Percarus Duo, Gnesin Percussion Group, Mooncake orchestra.
Вучаніца 5 класа Марыя Смірнова (настаўнік Н.А. Ільюшчанкава, канцэртмайстар К.В. Іванова) прыняла ўдзел у конкурсе ў намінацыі «Кларнет. Сола» і па выніках выступленняў у 2-х турах стала Лаўрэатам III ступені!
Віншуем Марыю, яе настаўніка і канцэртмайстра з перамогай у конкурсе! Зычым далейшых творчых поспехаў і дасягненняў!
