З 21 па 26 лістапада 2020 года адбыўся ХІІ Міжнародны конкурс выканаўцаў на народных інструментах і выканаўцаў народнай песні «Смаленскі брыльянт», арганізатарамі якога з’яўляюцца абласная грамадская арганізацыя «Смаленскае музычнае таварыства» пры падтрымцы адміністрацыі Смаленскай вобласці, пры падтрымцы Расійскай акадэміі музыкі імя Гнесіных і Маскоўскай дзяржаўнай кансерваторыі імя П.І. Чайкоўскага.
Сёлета конкурсныя праслухоўванні праходзілі ў фармаце анлайн. Сярод канкурсантаў прынялі ўдзел навучэнцы дзіцячых музычных школ і школ мастацтваў, студэнты спецыялізаваных музычных ВНУ і сярэдніх спецыяльных навучальных устаноў, а таксама прафесійныя выканаўцы з розных куткоў Расіі, блізкага і далёкага замежжа.
Вучань 6 класа (цымбалы) Дзіцячай музычнай школы мастацтваў №1 імя Л.П. Александроўскай – Анатоль Лыскавец (настаўнік Віктар Міхайлавіч Лыскавец, канцэртмайстар Яўген Ігаравіч Гальцоў) – таксама прыняў удзел у конкурсе і атрымаў перамогу, стаўшы Лаўрэатам II ступені!
Віншуем Анатоля Лыскаўца, педагога Віктара Міхайлавіча Лыскаўца і канцэртмайстра Яўгена Ігаравіча Гальцова і зычым ім новых творчых перамог і дасягненняў!