20 – 24 снежня 2018 года ў рамках IX міжнароднага фестывалю традыцый духоўнай культуры «РЭ-ЛІГА» у горадзе Санкт-Пецярбурзе прайшоў II Міжнародны конкурс музычнай творчасці «РЭ-ЛІГА-АРТ. Каляды». Арт-дырэктар конкурсу доктар педагагічных навук, прафесар, заслужаны дзеяч навукі і адукацыі, дырэктар Санкт-Пецярбургскага цэнтру развіцця духоўнай культуры Дзмітрый Валянцінавіч Шчырын.
Вучань ДМШМ № 1 Аляксей Смірноў прыняў удзел адразу ў некалькіх намінацыях:
За выкананне твору Л. Абеліёвіча «Скерцына» у намінацыі духавыя інструменты (да 11 гадоў) Аляксей быў ганараваны Дыплома Лаўрэата I ступені. За выкананне Санаты А. Вівальдзі (2 частка) – Дыплома Лаўрэата II ступені. Настаўнік – Уладзімір Рыгоравіч Карканіца.
Таксама Аляксей удзельнічаў у намінацыі кампазіцыя і аранжыроўка (да 11 гадоў) з п’есай «Летні настрой» для флейты, кларнета і фагота, стаўшы Лаўрэатам III ступені. Настаўнік па кампазіцыі – Марына Міхайлаўна Каляда.
Мы віншуем Аляксея і яго настаўнікаў з такімі годнымі вынікамі! Чакаем новых творчых дасягненняў!