3 – 4, 9 – 10 сакавіка 2018 г. ў Мінску праходзіў III Міжнародны фестываль мастацтваў «Музыкі святло»/«Light of music». Конкурс сабраў больш за паўтары тысячы ўдзельнікаў і стаў па-сапраўднаму святам для ўсіх музыкантаў і творчых людзей. Спаборніцтвы праходзілі ў некалькіх намінацыях: харэаграфія, вакал, інструментальнае выканальніцтва і тэатральнае мастацтва.
9 сакавіка 2018 года ў канцэртнай зале «Палаца чыгуначнікаў» конкурс прайшоў у намінацыі Эстрадны вакал. У склад журы ўвайшлі педагогі вышэйшых навучальных устаноў, артысты і прафесійныя музыканты: Пётр Ялфімаў (Расія-Беларусь), Нэлі Сяргееўна Дукава (Беларусь), Марыя Пятроўна Маршак (Беларусь), Наталля Іванаўна Базюк (Літва).
Вучаніца нашай школы Соф’я Уцюпіна (настаўнік Ірына Аляксандраўна Мышкоўская) па рашэнню журы стала ўладальніцай Дыплома Лаўрэата III ступені!
Віншуем Соф’ю і Ірыну Аляксандраўну з выдатным вынікам! Зычым новых творчых перамог!